Diamars a celebra Dia di Medio Ambiente Internacional. Serlimar den conhunto cu diferente ploegnan di Bureau City Inspector tabata tin containernan poni den bario di Village pa haci limpieza. Twyma van der Biezen, Sales & Marketing Manager di Serlimar ta splica.
For di 6 or di mainta team di Serlimar a pasa na diferente casnan pa yuda kita desperdicionan for di e casnan. Di e manera aki kier haci pueblo consciente di con pa maneha e desperdicio y Serlimar a haci e limpiesa a base di peticionnan.
Specificamente den Bario Village tabata tin hopi peticion pa bin ruim op e sushinan den e casnan caminda cu a bin pone e containernan pa e hende tira nan desperdicio.
Tin mas accion pa e resto di e aña, anto pa lo cual ta trata caya Milieustraat, Serlimar tin otro accionnan similar den luna di Augustus, September y October y tambe ta bay otro barionan pa haci limpieza manera a tuma luga na Village, segun Sra. Twyma Van der Biezen, Sales & Marketing Manager di Serlimar.