Segun agente policial, Robert Vos, pikimento di auto bieu ta bayendo basta bon. Nan a coy basta auto caba cu locual ta esunnan cu ta placha y esunnan cu normal cu no tin documento. A avisa doñonan caba pa kita e autonan aki, pero no a kitanan. Polis ta kitando esunnan cu ta stroba peatonnan pa cana riba acera y cu nan no tin nan documentonan, ta wordo lanta. A adverti durante un conferencia di prensa pa esaki y a duna un speling pa 2 siman y asina mes ta ripara cu paar di hende no ta coopera. Pero mayoria ta halando e autonan. Specialmente den e area di Rancho, hopi hende a lanta nan auto y a cuminsa cu takelmento, caminda cu den Johan de Witstraat a lanta mayoria auto y nan lo sigui.
Ta pidi pueblo un biaha mas, si no tin e documentonan di auto regla, bay reglanan of si e auto no ta coriendo, ward’e un otro caminda cu no ta riba caminda publico, pasobra ta bay cu nan.
Vos ta sigui splica cu ta calcula cu den un siman y mey mas, ta caba cu full Oranjestad y Madiki.
Pa loke ta e otro barionan, esey lo cuminsa cun’e na cuminsamento di aña. Lo bay coordina cu e polisnan di bario. Ta haya yamada di tur districto pa bin recoge autonan bieu. Lo bay sinta hunto y lo bay traha un plan pa coy e autonan aki tambe.