E problematica di autonan bieu staciona ariba camindanan publico, ta uno cu tin basta tempo caba andando. Na varios ocasion a haci un peticion na doñonan di e autonan aki, pa kitanan for di caminda publico. Den siman tras di lomba, Bureau City Inspector (BCI) a sigui cu e accion di kitamento di autonan bieu for di caminda. Sr. Robby Rosel, cu e relato.
Accion di autonan bieu na Madiki ta trasi di lomba y nan a sigui cu e accion di Paradera, unda cu for di 2005, cu DIP a manda nan un carta pa por elimina esakinan, pero esey no tabata e caso, pa cual por a mira cu dia pa dia nan ta haya mas yamada di reclamo di esaki, cu e ta treciendo hopi animalnan rond. Sr. Rosel personalmente a bay na e sitio, caminda cu ta mira hopi sushedad, hopi auto, ta manera un santana di auto bieu. Eynan BCI a dicidi te cu dia 28 di februari pa a kita esakinan. Ora cu BCI a presenta e autonan no a wordo kita ainda. Solamente un auto a wordo hala y a dun’e e deadline te cu siman tras, pa ta exacto dia 5 di maart ultimo. Y en berdad, el a kita e autonan.
Pero tabata tin hopi discusion, pero a logra pa e pueblo di Paradera ta mas trankil, y cu e ta ariba un caminda principal. E siguiente paso ta pa San Nicolas, y Sr. Rosel ta haci un peticion na esunnan cu ta biba cerca di e Scol di Polis, na e subida, pa esaki no ta wega. BCI lo bay na e sitio pa papia cu e doño di e autonan aki, pa halanan, prome cu BCI tin di tuma e caso aki na serio unda cu nan mes lo yega pa haci locual a haci na Paradera, segun Sr. Robby Rosel, vocero di Bureau CIty Inspector.