SPAÑA/INDIA – Un trein cu tabata haci e trayecto entre Vigo (region di Galicia, noordwest di Spaña) y Valença de Minho (Portugal) a descarila diabierna den e localida di O Porriño, cerca di Vigo, causando por lo menos tres morto y 50 y herido, servicio emergencia regional a informa.
Di e tres vagon di e trein, un di nan a keda completamente gebolter y e otro dosnan medio gebolter, e servicio di emegencia di Galicia a señala den un comunicado. Segun un vocero di e compania di trein Spaño, Renfe, tabata tin mas di 60 biahero.
Di un otro banda, 21 persona a fayece y 30 mas a resulta herida pa e caida di un autobus for di un brug den e estado nooroost Indio di Odisha, autoridadnan a informa.
E fuente, di polis di e estado aki, a indica cu e autobus, cu a cubri un trayecto local, a sufri e accidente na altura di e localidad di Manitri, unda cu el a cay for di un brug cu a crusa un riu seco.
Diescinco persona a wordo traslada pa un hospital cercano na e localidad aki y otro diescuater pa Angul, cabes di e districto, mientras cu otro a wordo manda pa Cuttack, e di dos ciudad di importancia di e estado.
Te na e momentonan aki, autoridadnan ta maneha e hipotesis di un posibel eror of negligencia di parti di e conductor.
Rond di 146 mil persona a muri na 2015 den accidentenan di trafico na India, di acuerdo cu datonan oficial, den su mayor parti debi na falta di respet na normanan di conduccion y mal estado di e camindanan.
Fuente: RCN