Diabierna atardi riba green corridor Pos Chikito fo’i rotonde Balashi pa rotonde Pos Chikito net pariba di e brug a sosode un accidente serio unda un nissan kicks y un kia rio a dal contra di otro. E kia rio a keda memei caminda destrui ful banda robes dilanti y a ranca bloki, e nissan kicks ta esun cu a bolter y a keda riba su dak.
Polisan di biaha a keda dirigi a cera e rotonde Balashi debi cu trafico a pega, polisnan di trafico a presenta for di verboden pa yega cerca. Brandweer tambe a presenta y a duna un man. Dos ambulance a presenta n’e sitio y paramediconan a brinda asistencia na tur e muchanan den auto y e mama. Tur hende a keda transporta pa hospital. Te anochi takelwagen a kita e autonan for di caminda.