Diaranson den careda di 3 or marduga riba caminda principal banda di ex bo wah bar un desordo duro a lanta habitantenan. Manera nan a sali pafo topa cu un nissan march a dal y basha cura di cas y un dama benta riba caminda basta herida. Otro banda di caminda tabata tin un motor di e nissan march benta. Net polis tabata atendiendo cu e dama y un otro patruya ta yega y e oficialnan tabata bahando for di auto pa yuda nan colega cu e accidente nan ta mira con un auto biniendo for di pabou basta duro a lastra brake y ta dal den e motor di e auto cu tin riba caminda pushe y esaki a bula dal pega den un cura di cas pazuid di caminda. Ambulans a yega basta lihe unda paramedico a brinda asistencia di biaha na e dama herida benta abou y cu urgencia a transporta e victima pa hospital. Specialists di trafico y departamento tecnico a presenta pa haci e investigacion.