Diamars pasa di 11:40 anochi rib’e caminda principal di Savaneta net pabou di ritz ta sosode un accidente serio unda chauffeur di un glanza preto coriendo iresponsabel pasando auto fo’i pariba a bay dal semi frontal basta duro den un pickup. E impacto a saca e homber fo’i auto y a bay cay riba caminda y herida, polisnan cu a presenta di biaha a bin topa cu e homber drumi abou basta herida ta keha di dolor.
Polisnan a cera full e caminda pa Polis di trafico haci nan investigacion. Personal di ambulance a brinda asistencia medico n’e homber herida y a transporte pa hospital pa atencion medico avansa.
Daño material tabata basta, e pickup nissan tabata biniendo di pabou direccion pariba. Personanan cu tabata ey banda mes a informa polis cu e golpi tabata basta fuerte. Segun informacion ricibi fo’i hospital cu e chauffeur su lomba ta kibra un parti.