Diadomingo den careda di 5 or mainta riba caminda principal di Pos Chikito otro banda di La Granja chauffeur di un toyota hybrid stuur banda drechi a subi e caminda sin a duna preferencia na un auto preto bahando di pariba y a dal basta duro den banda robes di e hybrid.
https://www.facebook.com/masnoticia/videos/663175320882550/
E hybrid a bolter ranca algun pion banda di caminda y cay bek riba su cuatro wielnan. E auto preto mes a bay para panort di caminda. Debi cu e stuur di e hybrid ta banda drechi esaki a scapa bida di e chauffeur pero asina mes el a haya golpinan serio na su curpa y no tabata reacciona bon. Ambulancenan a yega basta lihe pa atende cu e victimanan, mescos cu polis a yega di biaha pa cera e caminda. Ambos chauffeur a keda hiba hospital pa haya atencion medico avansa. Tanto departamento forensico y specialista di trafico a acudi na e sitio pa haci nan investigacion.