Dialuna marduga unidad policial, ambulance y brandweer cu urgencia a keda manda pa e caminda di Paradera pa Jaburibari pa un accidente serio. Na yegada di polis ta topa cu un señora basta herida pega den un mitsubishi pickup tabata keha di dolornan fuerte na curpa.
https://www.facebook.com/masnoticia/videos/2594328150619678/
Pero dificil pa keda saca y asina a solicita unidad di rescate di bombero presenta pa corta e porta di auto. Na final paramediconan por a atende cu e victima. Mes momento polis tabata busca chauffeur di e pickup cu a ocasiona e accidente debi cu el a bandona e sitio. Total di tres auto tabata envolvi, daño material tabata basta. Polis a tuma e pickup gmc den beslag debi cu e chauffeur no t’ey pero den e area a topa cu e pasahero. Specialista di trafico tambe tabata presente pa haci nan investigacion.