Diaranson merdia na e crusada di Sero Pita un accidente serio a keda registra pa falta di preferencia, polisnan, ambulance a keda dirigi cu urgencia pa e sitio. Na yegada di polisnan ta topa cu dos auto hinca den mondi y un turista masculino cu su pia pega bou di e dashboard, a solicita di biaha pa brandweer pa presenta na e sitio. Polisnan a cera full e area pa ningun auto yega cerca. Dos unidad di ambulance y rapid team a acudi pa brinda asistencia medico na e victimanan.
Prome truck di brandweer cu a presenta na e sitio a duna un man na personal di ambulance debi cu e otro truck tabata basta leu mes. Cu cauteloso a logra di saca e pia pega bou di e dashboard y asina a pone e turista herida riba e cama y stabilisa na e sitio. Un mucha y su tata cu tabata den e honda cu tambe a drenta mondi a keda atendi pa personal di ambulance.
Slachtofferhulp a presenta na e sitio pa asina papia cu e tata y e mucha chikito cu tabata den panico. Polis di trafico a haci nan investigacion na e sitio y determina cu e turista den e nissan versa a yega subi e crusada dal den e honda fit.