Diasabra anochi riba e caminda di Jucuri a sosode un accidente di auto basta fuerte, unda un dama chauffeur den un nissan xtrail bahando for di pariba, pa un of otro motibo a bay den su banda robes y a dal semi frontal den un suzuki swift.
E impacto tabata fuerte ambos auto a keda basta kibra, y debi na e impacto e chauffeurnan a resulta levemente herida. Ambulance y polis a presenta di biaha n’e sitio.
Paramedico a brinda asistencia na e victimanan, no tabata nada di gravedad pa bay cu nan hospital. Polis di trafico presente a tuma dato y a warda te ora cu takelwagen kita e autonan for di riba caminda.