Diamars merdia rib’e caminda di Rooi Manoonchi cu ta direccion pa Seroe Blanco a sosode un accidente di auto basta fuerte unda un nissan cube y un nissan march a dal den otro basta duro, debi na e impacto airbag di auto a sali cu a dal e chauffeur di golpi.
Polis di trafico a presenta di biaha n’e sitio y ta topa cu dos homber herida ta sclama di dolor na vloer, a solicita ambulance pa paramedico haci un control medico. Ambulance a presenta di biaha y paramedico a atende cu e personanan levemente herida. Daño material ne autonan tabata basta, polis di trafico a presenta y na final takelwagen a kit’e autonan for di caminda.