Accidente semi frontal den birada na Kolibristraat cu tres persona herida

Diadomingo pasa di 11:30 anochi den e birada di Kolibristraat na Cas Paloma un accidente semi frontal a sosode cu impacto basta fuerte cu a laga total di tres persona herida. Tres unidad di ambulance y polisnan di trafico a acudi na e sitio di biaha.

Accidente semi frontal na Cas di Paloma cu tres persona herida.

Posted by MasNoticia.com on Sunday, December 8, 2019

A cera e caminda pa ningun vehiculo yega cerca. Caminda muha y velocidad a causa cu e chauffeur di e cerato no a controla e stuur y a bay den banda contrario dal den e swift cu tabata saliendo pa direccion pariba di airport. Daño material tabata basta, debi na e impacto cu e cerato a dal den e swift a haci cu ambos airbag dilanti a sali. Na final cu e heridonan a keda transporta pa hopsital, takelwagen a kita e auto for di caminda.

Comments

comments