Diadomingo den careda di 2:30 atardi riba Av Nelson Oduber ex Sasakiweg a sosode un accidente cu impacto fuerte unda dos auto a bin resulta den e greppel cu tin memei caminda.
Polisnan di biaha a presenta n’e sitio y ta bin topa cu un kia rio y un lexus hinca den e rooi. E oficialnan a bay papia cu ambos chauffeur y a topa cu un homber benta den e yerbanan ta keha di dolor fuerte na su pia. A solicita dos unidad di ambulance cu a presenta pa brinda asistencia na ambos persona herida. Polis a tuma nota di sla na banda drechi dilanti di e kia rio cu ta indica cu e lexus a dal den e banda ey y aki a pone cu ambos auto a perde control drenta e rooi. E lexus su parti patras a keda basta kibra.
Na final takelwagen a saca ambos auto kibra for di e rooi.