Un poco despues di 8’or di anochi a tuma luga un accidente basta pisa riba caminda di Piedra Plat den cual tabatin dos vehiculo envolvi.
E accidente a sosode riba e caminda di Pavia direccion di rotonde di Piedra Plat. E Honda y Ford a dal practicamente frontal den otro.
Tabatin tres persona a resulta herida y ambulance a yega hopi lihe na e sitio pa atende cu e heridonan. A transporta nanpa hospital pa control medico.
Por nota cu e daño material tabata basta grandi. Nan a dal practicamente frontal y despues a dal vuelta y a haya sla na banda tambe.
Polis di trafico tambe a yega na e sitio pa atende cu e accidente, y saca afo di con e accidente aki a tuma luga.