Diahuebs merdia riba Seri Tijshi a keda registra un accidente pisa unda un auto a bolter y dos persona a keda herida, debi na e impacto un persona a keda benta riba caminda y otro pega den e hyundai i10. Polisnan a yega basta lihe y mirando e situacion a cera e caminda completo pa ningun auto yega cerca.
https://www.facebook.com/masnoticia/videos/2173786772915558/
Unidadnan di ambulance y brandweer cu urgencia a yega pa asina mira e situacion evalua pa corta e porta di auto y saca un hende homber herida. Riba caminda tabata un señora y a keda transporta como prome pa hospital pa haya atencion medico avansa. Tabata tin testigo cu a mira con e accidente a pasa y a splica polisnan di trafico cu tabata na e sitio. Total di tres persona a keda transporta pa hospital pa haya atencion medico avansa. Velocidad halto sigur lo a hunga un rol den e accidente serio aki.