Diadomingo pasa di 2:30 marduga riba L.G Smith blvd pariba di e cas di gobernador un pickup a drenta cura di un edificio y impacta basta fuerte. Polisnan ta yega na e sitio di biaha topa cu un situacion serio unda a solicita, ambulans, unidad di bombero y specialista di trafico presenta. A constata cu e dama tras di stuur di e pickup a keda seriamente herida y su situacion no tabata bon. Bombero a logra corta e porta pa saca e victima. Cu urgencia paramedico a hiba e victima pa hospital. Specialista a keda cu encarga cu e investigacion.