Diamars anochi riba Av Nelson Oduber ex Sasakiweg chauffeur den un chevrolet spark preto ta perde control ranca palo di luz y bolter. E chauffeur a keda basta herida y pega den e auto. Unidadnan di brandweer, ambulance y polis a presenta di biaha.
Bomberonan a cuminsa na observa e situacion con ta bay corta e auto pa saca e homber herida for di den e auto den banda. A notifica elmar pa acudi tambe debi cu tin wayanan di coriente ta colga. Despues di un rato a cuminsa na corta e auto pa asina yega na e victima. Paramediconan di biaha a haya ayudo di bomberonan y a saca e homber herida y a keda poni di biaha riba cama y transporta pa hospital. Polis di trafico tabata presente pa haci nan investigacion pa determina con e accidente aki a pasa.