Un poco despues di 10’or di mainta a tuma luga un accidente basta pisa patras di Aruba. Ta trata di un accidente den cual turistanan tabata envolvi.
Segun por a compronde na e sitio, e accidente a sosode banda di Alto Vista. Nan tabata riba Quadracer y a perde control riba e vehiculo y a bolter cu esaki. E camindanan eytras ta basta “rough”. Probablemente pa falta di experiencia no por a maneha e vehiculo bon den e situacion ki y a bolter cu esaki.
Parce den nan desesperacion, e grupo a sigui cu e tres heridonan, di cual uno ta basta grave pa yega te na Bushiribana unda cu nan a bati alarma y pidi ayudo urgente.
Dos ambulance a yega na e sitio pa atende cu e heridonan, mientras cu famia tabata man na cabes cu loke a caba di pasa cu nan.
Practicamente tur dia tin e tipo di accidentenan aki, un mas serio cu otro.