Dialuna algo prome cu 4 or di mainta un desordo fuerte a lanta habitantenan di Savaneta riba e caminda principal algo prome cu e t-weg pa bay piscina olimpico. Habitante ta sali pafo di cas y topa cu un auto nissan teana riba su dak den su cura di cas y e cura di cas mes a keda completamente kibra. Awa tabata bay halto y un persona basta herida.
https://www.facebook.com/masnoticia/videos/2358453160878686/
Polisnan cu sumo urgencia ta presenta y a cera caminda y a pidi pa tanto Ambulans, y brandweer yega basta lihe. E unidadnan a presenta, personal di bombero a drenta accion di biaha pa duna un man na personal di ambulans. Y asina a saca e victima masculino y pone riba cama y keda stabilisa pa bay hospital cu urgencia. Tanto e hefe di e departamento di ambulans y brandweer tabata na e sitio. Specialista di polis tambe a yega pa haci nan investigacion. Piesanan di e auto a bula bay te otro banda di caminda, esaki ta indica cu velocidad halto a hunga un rol. Meter di awa tambe a keda kibra durante cu e auto a dal den un di e cura di casnan. Personal di web tambe a yega pa asina cera esaki. Despues di e investigacion takelwagen por a lanta e vehiculo.