Diahuebs marduga riba caminda di Jaburibari net dilanti parke curason un impacto fuerte a lanta habitantenan. Personanan a topa cu un pickup cu a bolter y ta pega na e cashi coriente cu tin dilanti e parke y di biaha a bati alarma na centro di alarma. Unidad di brandweer, ambulans y polis a keda despacha na e sitio. Roadservice tambe a keda manda pa ora cu tur cos caba nan bay cu e auto pa su destino. A constata cu e pickup biniendo for di panort riba un velocidad e chauffeur a perde control y baha caminda pega den mata y bay dal basta duro den e cashi coriente y keda herida. E homber tabata pega den e pickup, cu ayudo di personal di brandweer mester a core parti di e pickup unda paramedico a atende cu e victima cu cautela pa saca e persona for di den e pickup. Despues cu tur cos a termina, roadservice su takelwagen a logra pone e pickup bek riba su cuatro wielnan hiba e auto pa cas.