Diamars anochi riba WVB Sabana Blanco pasando e mufflershop un accidente pisa a keda registra entre auto y brommer unda e auto a bolter y e persona masculino riba e brommer a keda grave herida y no tabata reacciona. Polisnan a yega di biaha cera e caminda y pidi ambulance cu urgencia. A topa cu un senario basta fastioso auto riba su dak, un brommerbasta kibra y e motociclista sanger ta saliendo for di area di su helm cu e tabatin bisti. Banda di caminda a topa cu bloki kibra cu ta indica cu e accidente a pasa algun meter leu di unda e vehiculonan a keda. Paramediconan di ambulance a presenta basta lihe y cuminsa cu e practica di reanimacion cu ayudo di polis sin stop. A keda basta rato cu reanimacion y a opta pabay cu e hoben hospital tog mientras na caminda ta purba reanima si ta haya pulso. Polisnan di trafico tabata na e sitio pa haci investigacion completo. Otro ambulance a keda pidi debi e impacto a saca un persona cu tabata den e auto y tabatin mucha tambe envolvi.