Diaranson pasa di 12’or di marduga riba LG Smith Blvd cu e crusada Adriaan Lacle Blvd ta sosode un accidente pisa entee auto y brommer. Personanan cu a mira e accidente pasa a informa polis di biaha. Tanto central di polis y centro di alarma ta despacha unidadnan cu urgencia.
Tur polis a cera caminda, oficial ta topa cu un dama meternan leu benta riba caminda no ta reaccionando y boca abou, mientras riba e tereno habri un homber herida cu kap na cabes.
Tur tres ambulance a presenta pa brinda asistencia na e pareha riba e brommer y e chauffeur di e picanto a keda controla y paramediconan a controla un homber di edad cu ta e persona cu a mira e accidente pasa.
Paramedico a transporta e dama prome pa hospital pa atencion medico avansa.
Specialista di trafico a presenta n’e sitio pa hunto cu departamento tecnico saca potret di tur cos na e sitio pa un rapport completo.
E testigonan a menciona na autoridad presente cu e auto biniendo for di pabou a bay pa sea lora na man robes of purba pasa un auto y consecuencia a dal den e brommer bahando di pariba. Mientras e chauffeur a duna polis otro indicacion cu e ta biniendo di pariba y a lora dilanti e brommer cu ta bay pa lora tambe.
E chauffeur di e kia picanto a keda deteni pa core auto bou influencia di alcohol.
E brommer y e auto a keda tuma den beslag.