Diahuebs anochi na e crusada di Koningstraat y Emmastraat a sucede un accidente unda tres auto tabata envolvi. Personalnan di roadservice a presenta na e sitio pa tuma e accidente, a constata cu e chauffeur di e corolla a yega subi e crusada sin duna preferencia na un kia sportage biniendo for di nort.
E sportage y e corolla a dal basta duro contra di otro y e corolla a bay dal riba un yaris staciona riba un tereno habri. No tabatin herido pero daño material considerabel. Personal di roadservice a constata cu e chauffeur di e corolla no tabatin documento y a notifica patruya di trafico presenta pa tuma datos tambe.