Dialuna den careda di 7:30 mainta na e crusada di Driemasterstraat y Lucianitastraat a sucede un accidente di auto basta fuerte pa falta di preferencia. Patruya di Oranjestad y di trafico a yega basta lihe na e sitio y a solicita ambulance debi cu tin persona herida. A constata cu e chauffeur di e toyota suv blanco a sali for di Driemasterstraat dal basta duro riba e getz biniendo for di pabou riba Lucianitastraat. Den e getz un mama cu su yiu muhe a resulta levemente herida y a keda transporta pa hospital.