Diasabra marduga central di polis a haya un yamada cu lo mester tin un accidente na e lusnan di trafico na Noord. Di biaha un patruya ta bay na e sitio. No tawata tin herido. Daño material ta considerabel. E Hyundai Getz blauw biniendo di zuid na e lusnan di trafico a bai lora na su man robes pa bai abou y un Hyundai Accent preto biniendo di nort kier a sigui bai zuid y ta dal den otro. Tur dos chauffeur a bisa cu nan tawata tin lus berde. Specialista di trafico a presenta pa hasi investigashon y purba saca afor ken enberdad a pasa den lus berde.