Diasabra den careda di 10:30 anochi riba WVB di Bushiri pa Hato net riba e viaduct ta sosode un accidente fuerte momento cu chauffeur di un toyota aristo a perde control dal den e muraya cu tin meimei di e caminda por poco bolter debi cu e tire dilanti a pasa full riba e muraya y cay bek riba caminda y e auto a bay para algun palo di luz basta leu.
E chauffeur a resulta levemente herida. E auto mes a keda totallos. Polis a cera e caminda di biaha evita autonan pasa y unidad di ambulance a presenta pa atende cu e persona herida. Momento cu polisnan tabata controla full e auto a constata cu tin un palo morto pega y hinca den e riem di e auto.