Diaranson atardi riba Ser’i Teishi yegando e rotonde ta sosode un accidente fuerte unda cuatro auto tabata envolvi, y debi na e impacto tabatin persona herida.
Polisnan di biaha a presenta y a constata cu den un honda fit tin dos persona herida, y un dama spanta den un lincoln y den un honda pilot un homber herida cu ta un dokter.
E caminda a keda cera na rotonde Drive Inn pa ningun trafico bin abou stroba autoridad. Dos unidad di ambulance y rapid responder y e hefe di ambulance a presenta pa brinda asistencia, debi cu e famia den e honda fit tabata den un forma di atencion ya cu e honda fit a keda kibra dilanti y patras completo.
Na e sitio por a compronde cu e chauffeur di e honda pilot bayendo abou a bay mira na su banda di caminda y pa ora el a wak bek dilanti e autonan a brake unda aki el a dal basta duro tras di un honda fit, pa despues e fit a dal tras di un lincoln pa despues dal tras di un pickup su dilanti.
E dos persona den e honda fit a keda transporta pa hospital pa atencion medico. Personal di roadservice a presenta pa tuma tur dato y na final takelwagen a bay cu e autonan kibra nan destino.