Diadomingo marduga rib’e caminda di Shaba pa Tanki Flip net dilanti di la oficina bar a sosode un accidente fuerte entre dos auto y consecuencia tabatin persona herida y pega den auto.
Polisnan di biaha ta presenta y topa cu un nissan murano y un toyota yaris basta kibra, den e yaris e pasahero masculino a keda herida y pega y a solicita pa ambulance y brandweer presenta.
Polis n’e sitio a pone e chauffeur di e murano supla pa test di alcohol debi cu holo di alcohol a dal polisnan duro y a pone chauffeur supla pero e homber no tabata por y a keda deteni.
Brandweer a presenta y trabounan di bombero di biaha a cuminsa manera nan a yega pa corta e port’i auto y pa saca e homber herida.
Polis a saca afo cu e yaris a bay pa reverse pa sali fo’i e parkeerplaats di la oficina y net e murano tabata biniendo fo’i nort tur cu tin y a dal duro den e yaris. Na final takelwagen a kita e autonan kibra fo’i caminda.