Diahuebs merdia riba e caminda di Seroe Patrishi na e t-weg banda di polyrama ta sosode un accidente di auto basta fuerte pa falta di preferencia. Dama chauffeur den un honda fit bayendo abou direccion rotonde Seroe Patrishi a topa cu un hyundai accent a sali su dilanti y despues un byd y a purba na desvia y a dal den e byd basta duro, y e autonan a bay dal den mata di kwihi. Polisnan a yega di biaha na e sitio pa cera e caminda, polis di trafico tambe tabata presente pa haci nan investigacion. Ambulance tabata presente pa atende cu e señora herida den e byd.