Diaranson atardi rib’e caminda principal di Santa Cruz pa Hooiberg a sosode un accidente fuerte na altura di Maiky’s. Chauffeur di un toyota yaris a bay pa lora na su man robes net un hyundai accent cora ta bahando di pariba y aki a dal basta duro den banda di e yaris.
Debi n’e impacto un dama sinta na banda a keda herida y pega den e auto. Brandweer a presenta n’e sitio y a corta porta di e auto pa saca e dama herida pa personal di ambulance atende cune y a keda transporta pa hospital. Polis di trafico tambe tabata presente pa haci nan investigacion y tuma dato di ambos chauffeur. Na final takelwagen a kita e auto kibra fo’i caminda.
