Diadomingo anochi riba e brug di Spaan Lagoen green corridor direccion pa rotonde Pos Chikito ta sosode un accidente fuerte entre un santa fe y un yaris. Ambos auto a keda basta kibra y persona levemente herida. Polisnan a yega di biaha a cera e caminda debi cu ambos auto tabata riba caminda.
Personal di ambulance a presenta y controla tur hende pero no tabata necesario pa haya atencion medico debi cu tur hende a bisa cu nan tabata sinti nan mes bon. Polis di trafico a haci nan investigacion y a constata cu e chauffeur di e santa fe biniendo for di pabou no a regula su velocidad y distancia a dal tras di e yaris, cu consecuencia e yaris a dal den e vangrail, y e santa fe mes a bay para poco mas pariba. Na final takelwagen di seguro a lanta ambos auto.