Diahuebs atardi na e t-weg cu tin dilanti di 88 food mart a sosode un accidente basta fuerte unda chauffeur di un suzuki swift a lora dilanti un chevrolet suv cu tabata biniendo fo’i nort. Aki ta unda cu e autonan a dal basta duro contra di otro.
Debi n’e impacto e señora na stuur di e chevrolet a keda cu dolornan na curpa debi cu e airbag a sali y patras sinta tabatin un mucha. Ambulance a keda solicita despues di basta rato cu e chauffeur a sinti’e malo y a pidi pa un control.
Den e suzuki swift tabatin un hoben tra’i stuur cu tambe na ultimo a haya dolornan na pecho debi na airbag y a bay hospital cu propio transporte.
Na final takelwagen di seguro a lanta e autonan kibra fo’i caminda.