Diahuebs pasa di 11:45 anochi riba e caminda di Tanki Leendert a keda registra un accidente fuerte unda un pickup a subi caminda net momento cu un toyota markx biniendo for di pabou a dal basta duro den e banda di pasahero. E pasahero sinta den e pickup por poco a keda machica debi con e pickup a keda e pasahero a scapa milagrosamente pero tabata herida.
Polisnan y ambulance tabata presente ne accidene, paramedico di biaha a atende cu e pasahero y a keda transporta pa hospital. Un di dos ambulance a presenta pa atende cu e chauffeur di e pickup cu tambe a resulta herida. E pickup a keda totallos, e markx su parti dilanti a keda basta kibra. Na final takelwagen di seguro a lanta e markx y polis a bay cu e pickup, a notifica specialista di trafico tambe di e accidente fuerte.