Dialuna mainta trempan autoridad a keda informa cu na e crusada altura di RCA riba Kamerlingh Onnestraat y Hubadastraat a sosode un accidente basta fuerte. Patruya di trafico y Oranjestad ta yega di biaha na e sitio. Ta topa cu cuatro auto envolvi y un di nan a basha cura di veld di rca abou. Di biaha a solicita unidadnan di ambulance debi cu tin mucha chikito y hendenan grandi envolvi. Polis di trafico na e sitio a constata cu e hyundai accent blanco biniendo for di Hubadastraat a yega subi e crusada dal den un kia rio, pa despues e rio dal den un yaris y e accent a pasa raspa un aveo. Unidad di rescate di bombero a presenta pa asina corta porta y saca victimanan den e hyundai accent pa personal di ambulance atende.
