Diadomingo mainta riba e caminda di Kibaima na e brug di Rooi Bosal a sucede un accidente di auto frontal cu a laga tres persona herida. Polis a presenta di biaha na e sitio y aki a cera e caminda debi cu ambos auto kibra ta riba di caminda. Ambulancenan y unidad di rescate di cuerpo di bombero a presenta pa asina duna un man. Paramedico di ambulance a hiba e heridonan hospital pa haya atencion medico. Polis di e departamento di trafico a haci nan investigacion na e sitio y midi e lastro di brake pa wak ken ta fout den e dalmento aki.
