Diasabra atardi riba e caminda di Seroe Patrishi pa Paradera den e birada chauffeur masculino den un hyundai getz a bay den banda contrario lastra un brake basta largo y dal frontal den un hyundai accent bahando for di pariba.
https://www.facebook.com/masnoticia/videos/313744199310895/
E impacto tabata basta fuerte cu a laga tanto e persona den e getz y esnan den e accent herida. Dos unidad di ambulans a presenta pa atende cu e victimanan. Polis tabata tin e caminda cera debi cu e autonan ta riba caya. Brandweer tambe a presenta unda a duna un man na personalnan di ambulans. E victimanan a keda transporta pa hospital. Daño material tabata basta, takelwagen di seguro a presenta pa kita e autonan for di riba caminda.