Diaranson mainta riba e caminda di Kamerlingh Onnestraat pa bay Seroe Blanco a sosode un accidente di auto basta fuerte unda chauffeur di un yaris bayendo ariba a perde control den e birada y bay den banda contrario dal frontal den un hyundai i10. E impacto tabata fuerte cu a laga tata cu su yiunan leve herida den e hyundai. Den e yaris tabata un dama a keda herida. Dos unidad di ambulans tabata presente pa atende cu e dalmento. Polis na e sitio a tuma dato.