Diasabra pasa di 3 or marduga riba e caminda di Piedra Plat pa Santa Cruz net banda di Jon Tai ta keda registra un accidente di auto basta fuerte. Testigo cu a mira loke a pasa a bati alarma di biaha na polis. Tanto dos unidad di ambulance y polisnan a acudi na e sitio. Polis tabata tin e caminda cera un parti debi cu tanto e nissan march y e nissan skyline stuur banda drechi tabata kibra meimei di caminda.
https://www.facebook.com/masnoticia/videos/1459781907515337/
Tanto e chauffeur masculino den e skyline y e chauffeur femenino den e march a keda herida y atendi pa personal di ambulance. Segun un testigo a informa autoridad cu un hyundai a ocasiona e accidente door di lora dilanti e march cu tabata bahando di pariba y aki e chauffeur pa no dal e hyundai a perde control bay den banda contrario y dal frontal den e skyline biniendo for di pabou y asina e autonan a dal basta duro den otro. E chauffeur di e hyundai cu a ocasiona e accidente despues cu e dos autonan a dal contra di otro a bandona e sitio. Takelwagen na final a kita e autonan for di caminda y dos ambulance a hiba e victimanan pa hospital.