Diadomingo marduga riba Av Nelson Oduber ex Sasakiweg net poco pazuid di ex house of cheng un nissan march biniendo for di rotonde sasaki direccion nort, e chauffeur riba un velocidad a perde control y baha caminda bay pega contra di un mata di kwihi cu tin memei caminda.
Un persona cu a mira con e accidente a pasa a yama polis di biaha unda patruyanan a keda mobilisa, e personanan mes a cuminsa cu reanimacion debi cu e homber no tabata reaccionando. Ambulance a keda pidi cu maximo urgencia.
Polisnan a cera e camindanan completo pa ningun trafico stroba autoridad haci nan investigacion. Paramedico a sigui cu reanimacion y pone e persona riba machin pero sin resultado. A notifica pa dokter presenta y constata morto.
Specialista di trafico y departamento tecnico tambe a presenta unda un investigacion grandi a tuma luga. Pa 4:09 dr a constata morto di Ray Klvin Zambrano Burgos naci 18 di december 1996 na Aruba.