Dialuna den careda di 4:40 marduga rib’e caminda principal di Savaneta a keda registra un accidente pisa entre auto y brommer, polisnan a keda dirigi di biaha p’e sitio.
Na yegada di autoridad ta topa cu un desgracia fatal debi cu tin un homber cu tabata rib’e brommer ta benta abou y basta herida y no ta moviendo.
E brommer a keda completamente destrui y e curpa a bay cay basta leu fo’i e brommer. A notifica autoridad competente debi cu e homber rib’e brommer no tabata duna señal mas di bida, e caminda a keda cera te ora cu polisnan di trafico a termina cu nan investigacion. Polisnan a papia cu varios testigo y a constata cu e chauffeur di e march coriendo iresponsabel pasando truck a pone cu e brommer a dal den dje y consecuencia fatal. Marcanan riba caminda ta demostra cu claramente e march coriendo malisimo riba caminda a haci e brommer a dal den e vehiculo y pone cu e hoben a perde su bida tragicamente n’e sitio mes un situacion hopi fastioso cu autoridad a topa cune.
Maximilian Hernandes di 20 aña ta e hoben rib’e brommer cu ta perde su bida, e chauffeur di e march a keda deteni pa nenga di pasa test di alcohol.