Diadomingo mainta riba caminda principal di Savaneta net band’i wintergarden ta registra otro accidente fatal unda un kia rio biniendo for di pabou a dal frontal den un truck. Polisnan a presenta di biaha ne sitio, a cera e caminda pa ningun trafico pasa. Paramediconan a tuma nota di e situacion y mucho no por a haci y a notifica dokter pa constata morto. Full un investigacion a tuma luga ne sitio unda a cera e caminda.
Polis a informa cu velcoidad halto sigur a hunga un rol den e accidente aki, prome cu e accidente aki a pasa un testigo a presenta n’e sitio y a informa cu e auto aki tabata biniendo basta duro di pabou den banda contrario. Mes momento a cuminsa busca e mayor a presenta na un cas pa asina notifica mama y tata.
Fiscal tambe di ministerio publico a presenta na e sitio pa pone su mes na altura di e sucedido y presencia e investigacion di trafico. Dokter a constata morto di e hoben di 17 aña, Kevin R Tromp naci 12 augustus 2005.