Diasabra atardi rib’e caminda di Kamay net dilanti di N’G Supermarket ta sosode un accidente serio unda un honda crv a dal den un nissan almera shinishi cu a subi su dilanti. E impacto tabata fuerte den banda di chauffeur di e nissan. E homber tra’i stuur den e nissan almera a resulta basta herida cu sla na cara y pecho.
E homber tabata sangra profusamente, polis a pidi ambulance cu urgencia. Na yegada di paramedico ora a pone mashin na e chuaffeur no a haya pulso mas, y a constata cu debi n’e impacto e chauffeur a fayece.
A notifica dokter pa presenta di biaha n’e sitio y a constata morto di Marco Marceliano Tromp naci na Aruba 17 di juni 1943. Polis di trafico a cuminsa cu nan investigacion di biaha. A bay mira camaranan di siguridad pa ta sigur con e accidente a pasa. Na final auto funeral a presenta y a bay cu e curpa sin bida pa funeraria.