Dialuna pa 4:50 mainta central di Polis a keda informa di persona pasando riba e WVB Bushiri pa Madiki Kavel di un accidente pisa rib’e rotonde Bushiri unda un auto a dal basta duro contra di e muraya. Polisnan ta presenta di biaha n’e sitio y ta mira cu e chauffeur masculino den e nissan tiida color cora no ta reaciona y a pidi ambulance y brandweer cu urgencia.
Paramediconan di biaha a traha cu e homber y a constata cu e no ta dunando señal di bida mas y a pidi pa dokter presenta. A notifica dokter forensico pa presenta pa constata morto. Specialista di trafico, departamento tecnico tambe a presenta.
Bomberonan a corta e porta di auto pa saca e homber cu tabata pega den e vehiculo.
Dokter Voskuil a constata morto di e homber Yonatha Ysaac Velasquez Campos naci 2 di augustus 1976 di 48 aña.
Forsa na famia den e momentonan dificil aki.
