Diadomingo den oranan di anochi na e rotonde WVB pabou di Ling and sons a sosode un accidente pisa unda un nissan murano a dal basta duro den muraya di e rotonde. Manera polis a yega a topa cu un hende homber cu no ta reacciona tras di stuur, e unidad di ambulance a presenta basta lihe na e sitio.
Di biaha a pone mashin na e persona wak si ta haya pulso y a haci e partinan necesario pero tabata invano. A pone dokter na altura unda dr Texier a presenta na e sitio y pa 9:45 a constata moto di e hoben Delwin Maduro naci 4 di september 1991. Un hoben cu a traha basta aña den mundo di roadservice na Aruba. Polis di trafico y specialista den presencia di fiscal di trafico a haci nan investigacion saca potret y midi. E auto suso cu suso a dal den muraya di e rotonde e impacto lo tabata e causa cu e hoben a perde su bida. Paz na su restonan.