Diadomingo pasa di 12’or di marduga rib’e caminda di Palm Beach net dilanti di solemare restaurant ta sosode un accidente entre dos auto y debi n’e impacto tabatin persona herida. Polis y ambulance a keda dirigi p’e sitio.
Na yegada di patruya ta topa cu un homber cu kap na cabes sinta den un toyota yaris, y e chauffeur hoben den e toyota markx tabata keha di dolornan na pia y parti di curpa.
Dos unidad di ambulance a presenta pa atende cu ambos chauffeur. E homber di edad cu kap na cabes a keda transporta pa hospital pa atencion medico. Polis a pone e chauffeur pasa test di alcohol esun cu a causa e accidente. Ambos auto a keda destrui.