Accidente entre dos auto cu herido na Sint Maarten

St Maarten: E departemento di trafico di Polis ta investigando un accidente frontal cu a tuma lugar diadomingo 6 di januari pa aproximadamente 4:10 am riba caminda di Eastern Cause Way riba frontera Frances. Esaki tabata tin envolvi un Hyundai Accent (P-6244) y Hyundai Santa Fe (M-1238).

Segun informe, e conductor di e accent a bin for di e brug y a haci un birada ilegal na su man robes pa Marigrot (sin dal un buelta) y a dal frontal cu e Santa Fe que na e momento ey tabata biniendo di Marigrot bayendo pa e Cole Bay. E impacto a haci dañonan considerabel na ambos vehiculo y ambos conductornan a haña hopi rascanan na curpa y tabat keha di hopi dolor na diferente parti di nan curpa. E paramediconan a atende ambos conductor pero, e conductor di e P-6244 a ser transporta na un hospital na e parti frances pa un tratamento addicional. E conductor di P-6244 no tabata den posicion di un rijbewijs y tambe e a comete hopi otro infraccion di trafico. Tur dos vehiculo a wordo getackle hiba pa warda di polis.

 

Comments

comments