Diamars merdia a sucede un accidente na Tanki Leendert na e t-weg cu ta bay pa Lito Convenience Store. Pa un motibo of otro un suv Hyundai Tucson oro ta dal cu su banda links dilanti den un Isuzu truck blanco. Polis di trafico a presenta pa saca afor cual auto a hala mas den banda contrario. Un mucha sinta patras den e Tucson a haya un kap na su frenta y ambulans a atende cune.
Mester remarka cu tawata tin un bruhacion ya cu e personal di Forensys a bisa polis cu e la yama ambulance caba y despues di basta warda Polis a manda puntra con leu e ambulance ta a bin resulta cu e yamada no a tuma lugar, ni patri central di polis y ni forensys. Mientras cu tabatin persona herida personal di forensys a hala e vehiculonan y raporta na polis despues.