Diadomingo pasa di 12’or di marduga riba LG Smith Blvd net e caya pabou di bestuurskantoor pega cu renaissance a sosode un accidente entre auto y brommer. Polis di biaha a presenta na e sitio y a constata cu e dama tras di stuur di un chevrolet spark, a bay pa lora na su man robes pa drenta e caya pariba di renaissance hotel, su tras na e subida ta biniendo un brommer y aki e motociclista a bay pa pasa e auto na su man robes y dal den banda di e auto. E homber riba e brommer no tabata herida, polis a tuma dato y roadservice a sigui cu e accidente.