Chauffeur di edad a dal den varios auto na rotonde ex Sasaki
Diahuebs mainta trempan na e rotonde Av Nelson Oduber ex Sasakiweg, chauffeurnan para for di nort direccion pa bay zuid a sinti un impacto basta fuerte, caminda un chauffeur di un kia cerato a dal den ford explorer, jaguar y un yaris basta duro.
E kia cerato a te hasta bolter despues di e impacto, tabatin persona cu a keda herida y otro levemente herida. E chauffeur den e cerato tabata pega pero a haya ayudo di brandweer pa sali, paramedico a brinda asistencia na tur persona pa un control medico. Polis di trafico tambe tabata na e sitio pa haci nan investigacion y papia cu esnan envolvi y testigo.